جديد جديد من رقه هل علي بافقير

بسم الله
اقدم لكم اليوم محاوره بقصايد تمت بيني وبن العم محمد بن محمد بن فثال بابرم
قمت بالبدع انا وقلت
يقول بن سالم الشاعر يالله ياغفر التوبه--- تغفر ذنوبي وترحمني يا غافر الذنب ياتواب
والثانيه ليل ياهجس فلحال قيفان مطلوبه---- من مامعه فال في راسه يمسي يدور كما الطلاب
وذلحين ياطارشي توك توك بخطي ومعتوبه----- بلغ وخل من زعل يزعل ماشي مخوه بغيلر اعتاب
يابابرم ليه متخلف ماشفت ميتين محسوبه---- من كل لغصان تخرجهم دي خربطو حسبت الحساب
سيل العرم قول يشبهم دي هدم احصون منصوبه----- وغالب الناس تعرفهم وصيتهم خلف مولى نصاب
ونتو خرجتو من الحسبه كلين بانت لنا اعيوبه-------- خمسه نفر ونت سادسهم والسابع الخاين العياب
ايش السبب يوم قفيتو كلين قفا وهو شوبه----- يمكن عداوات شخصيه لطفي النار ياشباب
ونهي مصالح من الدنيا الفين يهوين مكتوبه ------من باع خوته يبيعونه هذا موضح بلا كتاب
لما متى قل لبو طارق ونفوسكم دوب مقلوبه ------لافيد منكم ولا مخسر ماغير حمله ملا قلاب
لكن عاد الامل طارق بيجيب قسمه وماجوبه -----حيشى على طارق الشاجع من شان خوته بنه من جاب
وحنا لخابل جهم سودابانطلق النوب في اعلوبه -----حيشى علي ما يجي الخامس القرف بلعلبه علاب
ولنتو عسر قال بن سالم جنده ولكن محطوبه ---------لاقد دبسنا وقسمنا بالصدر الامر للحطاب
ذا فصل قد سار والثاني البنت تشكي ومتعوبه -----من زوجها قاصر الهمه دي تعب المرجله تعاب
الزوج مسكين مايفطن يفينها شاه مجلوبه----يبا تججاره يبا يذكر يبا صهاره مع الجلاب
والبنت تعشق رجل شاجع ماتعشق اشخاص ملعوبه ------ قله توكل يطلقها البنت متساعف اللعاب
هذه مره دوب مبليه تبغى رجاجيل مصيوبه---تشلها عز ماتوطي حتى وهي مسبيه بصواب
تبغى رجل جن في راسه فعل الشرف دوب مكسوبه ----يوخذ وينطي ويتحمل موت الشرف كون له كساب
لكن تعبها وعذبها ودخل البنت غيبوبه------- وبند الباب والنجله وصيتها غيبه غياب
ريته تجمل نهار السبت والموت حاول بتقروبه بلزوجه بالمره للخرى وبلقرب الثالثه قراب
لكن بعض العرب مبلى يدحق وبليد مركوبه --------لادي ركب وفر الدحقه ولا دي ترك سعفته ركاب
تسببو له قلال الخير ولقو له الحلو في كوبه-----ضنه عسل مادرا بنه سكر بيض دي وسط لكواب
احنا بدعنا من القافي ومن ابيات مرقوبه ------ امتجوب وباجوب ولا سرحنا قدا المرقاب
وختمها سلب بو سته بيصبح ادقام مقطوبه-------- ومنهو مكذب يلاقيني لا شك بلقطبه قطاب

وجوب علينا بابرم وقال
يقول بوطارق الشاعر احنا كما النار في الكتره---وحنا مع الشعب لتقدم يوم اللقا في خطوط النار
وجدودنا كلهم قدوه في السلم ولا في العكره-----لاتسقطونا من الحسبه ولا سقطتو وسط في غار
صدام بالحسبه من والكل بايحترم قبره----------وهل الرمادي عشيرتنا وهل الحويجه وهل لنبار
كل من نكش نار بوطارق يصبر على النار والجمره------------وحنا لحاول لطفيها ونتو شعلتو وسط لكيار الصدق عندي معي حاضر ماشي معي غش او غدره------انا رجل دوب عالفطره مانا مخادع ولا غدار
ماهمني من سكن دوعن وصحاب ردفان والضالع------وهل العند كلهم ربعي والحيد باكسره كسار
احنا المخوه لقدرها وحنا الصهاره لشرفها-------اما المصالح لها ودره ماشي لها عندنا مقدار
ماشي مصالح مع محمدالا الشرف عندنا قدره------اما المصالح مع ناصر والشيخ سالم وبو عمار
من ماعرف قدر بوطارق على كلامه بيتحسر------وحنا على العهد مالخلف مثل النمر دي علا لصبار
من خان عهده وميثاقه لا ينتضر مننا نصره-------ومن تكلم على اصحابه يصبر على حلوها ولقار
اما المخوه لها عندي مقدار والله بايشهد------وصحابنا هرجهم واجد يالله يارب ياستار
قولو لحمد ولد سالم لا يخدعونه في السمره--------يسمع كلام عمه محمد بينفعه في نهار الثار
من كان في صف بو طارق بايعرف العز والشهره----كل القوافي تساعدني والحيد باجيب له منشار
احنا القبيله لعطرها باروت من داخل الخشره-------ونتو على دانكم غنو عالطبل والعود والمزمار
وختمها قال بوطار يالله تغفر لنا الزله-----------وتجمع الناس في وحده يالله يارب ياغفار

وجوبت بعد ما اصرو الشباب وقلت
يقول بن سالم الشاعر بعض العرب حرت في امره --------لا بين اسلام لي واضح ولا دي علنها مع الكفار
لكن ماليو باجوب باوضح الهرج في النشره--------من ماسمع اول النشره يكفيه موجز من الاخبار
صدام ياصاحبي خاين ماعقه العيش والعشره------ماعقه الشعب دي حارب ولقا له الصيت في لقطار
وطير الناس من حوله وشل في راسه الكبره---------وقال مقفي ومستكفي برزان حامي من الاخطار
وبعده قام وتجرا وحرك الجيش في البصره---------يهجم على حدود جيرانه يطرد عليهم وهم في الدار
وستنكروه العرب جمعا حتى العجم عاتبو القصره ------ولقو قرارت ياشاعر ولقو عقوبات له وحصار
والتايه قال بن سالم شرد تخبا في الحفره---------- ولقو له الحبل في راسه وصبح معلق على لضبار
لكن غلطان ياشاعر صدام ماهو علي عجره----------- صدام تصنيف قوميه ماصاحبك صنفه سمسار
وحنا على العهد مالخرج علحلو ولا على المره---------والعهد ميثاق للدوله وكل شي حط له معيار
لكن تفرد بدي يعجب والختم شله ملا صره--------وقال مالي بدي باقي وش فايد العهد ياشعار
وجدودنا منهم عشره كلن ملك عاش في عصره--------لا شافهم شخص من خلفه يرجع قفاهم ثلاث امتار
وفعالهم جم كم بذكربيجف وسط القلم حبره---------لكن تخبر قدا اصحابك من ثار بن سعد وهل بعفار
واليوم متشوف ياشاعر ميتين تخرج من العشره-------مانا معول وهم سعفي على يماني وعاليسار
ومن ارث ارجال متوفى حتى ولو قد قصر عمره---------بلواصل الدرب بالدحق حتى ولو دربنا اوعار
وحنا معانا صلاح الدين دي حرر القدس من اسره-----عكفه وعالراس له مشقر قدتعرفه او تبا تذكار
دوبه على الحق مايخطي ونتو تبونه في العفره-----والنصر مايطلبه انسي النصر من ربك النصار
وصحاب ردفان او دوعن اومن سقط ريت له ودره-------مابحسبه بحسبه ميت مثل الغشر دي وسط لوصار
ماشي وهن قال بن سالم باشد حبلي وبازره---------بالقنص الوعل يمحمد بلقربه للصغار اخصار
يمحمد احمد وسط راسه عشرين جني تجي دفره------لاشفت قصرات في خوتي ما بنتضر منكم لشوار
وبالطلب العذر من خوتي فالحال قد جاتنا سفره---------لكن لاقد بدا بادي في طين ساعه لجي حضار

روعه يا المخوه والله انك شاعر
ابدعت الله يطول بعمرك
خلاص تراك شاعر هل بافقير
تقبل مروري

صح لسان الشعار
ابيات رائعه