ان كان وصلي لة يحرج

ا ن كان وصلي له يحرج فلايحتار.....ببعد واحبه بين نفسي وبيني


شكواي للي عالمٍ خافي الأسرار
مالغيره أشكي ودمعتي تستبيني
قلبي ماهو بيدي يحب ويختار
وبيد اختياره صار عبدٍ سجيني
دايم الدوم ساهي الفكر محتار
احاول اخفي دمعي واخفي حنيني
ولاحد بعاذرني على كل ماصار
مع ان عذابي يفضحه دمع عيني
اشتاق للي ولّع بقلبي النار
اشتاق له وابيه وادري يبيني
اشتاق له شوق الصحاري للأمطار
وش حيلتي والقلب عنده رهيني
غالي وله بالود مقام ومقدار
فداه روحي وعمري وباقي سنيني
اخاف طبع الوقت مقفي وغدّار
ماارتاح لين يديه تصير بيديني
على خطاه اعطيه العذر كل الاعذار
بس مااشوفه زعلان وحزيني
من الهوى عليه اخاف واغار
اخاف يجرحه وش يصير فيني
حتى الجفن والنوم كن بينهم ثار
غلاه حايل بين راحتي وبيني
بدربي مكتوب القاه قدري بين الأقدار
بظل احبه لو يقول اتركيني
تطلع لي الشمس وانا ليلي سهار

ابيه قبل اموت بغلاه يجيني
وان كان وصلي له يحرج لايحتار
ببعد واحبه بين نفسي وبيني

مع تحيات الولحمد