سلمولي على قمة الدوحة وبيروت

وش نبي من هالحياة دام غزتــنا تمــوت

وش نبي بارواحنا دامها ماهي فدى

انتهى عصر الخمول وانقضى وقت السكوت

دامنا في هالزمن اصواتنا مثل الصدى

يمر عام وتمر السنين والشعوب تموت

وحنا بعد في غينا ولاهمنا حدى

نستنكر ونستنجد ونرفع عالي الصوت

وفي النهاية يرجع الصوت من حيث ابتدى

اليا متى وحقوقنا وسط تابوت

اليا متى وحنا مخاويين الردى

إما نعيش بعز ولا ياعالم نموت

غزه تنادينا وحنا مانلبي الندى؟

زمن كنا فيه اصحاب الجبروت

يوم كان اسلامنا واصل لابعد مدى

واليوم مثل ماقلت كلنا وسط تابوت

اصواتنا واقداسنا كلها راحت سدى

سلمولي على قمة الدوحة وبيروت

والسلام على من اتبع الهدى

لشاعرعبدالله المانع

امانعيش بعزولاياعالم نموت ***غزة تناديناء وحنا مانلبي اندى
اشكرك اخي الغريب على هذة القصيدة