ليت (السفر) بين المحبيـن ممنـوع
تحجز(جوازت) المحبين بالذات..!!
حتى لوأن (السفر) حـق مشـروع
المشكله.. لأهل الهوى حزن وآهات
لاغاب (خلّك) والرجاء فيه مقطـوع
لابه (رسايل) تاصلـك وأتصـالات
الخط مغلق...كنّه(الكرت) منـزوع
من ضيقتك تلعن جميـع أشتراكـات
تضرب على الكفّين والقلب مفجـوع
تضيق بك عقبه جميـع المساحـات
في ليل دامس ضايعٍ مابـه شمـوع
(الفكر) تايه فـي دروب المتاهـات
(العين) تذرف بالدقايق لـه أدمـوع
و(القلب) عايش بين حسره وونـات
لوّك تجر الصوت ماهوب مسمـوع
ياطول مـا بينـك وبينـه مسافـات
يمكن ظروفه مامشت له على طـوع
ويمكن سلا فكره بروحـه وجيّـات
سايح بدار(الغرب) والأجر مدفـوع
يسرح ويمرح بيـن سجّـه ولـذات
الجو صافي بيـن خضـره وينبـوع
وأنت بسموم(القيض) مابه أجـازات
الهم مدهالك مـن أسبـوع لسبـوع
لاحل ذكرى الترف هلّيـت عبـرات
صار(السفر) كنّه مثل حبّة الكوع..!!**
جمع الحبايـب سابـع المستحيـلات
بس الأكيد أن (الغلا) فيك مـزروع
(الحب) يبقى بالضمايـر ولا مـات
الصدق قلته والزعـل دوم مرفـوع
وقت(السفر) تبدي كثيـر المعانـات
موضوع: ليت (السفر) بين المحبيـن ممنـوع 
الخميس ديسمبر 25, 2008 6:53 am