رثاء في الرئيس جمال عبدالناصر

مرثاة الريس الراحل جمال عبدالناصر
بسم الله الرحمن الرحيم
(جزء من قصيده للشاعر علي سعيد باسومح السومحي ( رثاء في وفاة الرئيس الراحل : جمال عبد الناصر يرحمه الله تعالى )

عساه يقوي صبرنا عنـد المصايـب والقـدر=نصبر كما أيوب عالبلـوى إذا حـل الحليـل

ذا فصل والثاني بغيت الهجس يصبر ماصبـر=يحكي بما في القلب يعطيك الإشاره والدليـل

باب الفرح منه فرح واما الكـدر منـه كـدر=ألفتها وكتبتهـا والدمـع مـن عينـي يسيـل

من قبل شرق الشمس يا مطلوب فاجأنـا خبـر=خبر وفاة جمال ذي في عصرنا مالـه مثيـل

با كسـر الـرادي وباخلـي مساميـره طيـر=كني حمدت الله عالحاضر كما ذيهـو دويـل

جمال مصباح إنطفا عالنـاس خلاهـا غـدر=وفي الحقيقه عالعروبه نقص جم ماهو قليـل

وفلمثل يشبه كسوف الشمس وخسـوف القمـر=والرعدهووالصاعقـه ذي ترقـل الدنيارقيـل

من حضنا كل ماتوكينـا علـى عـود انكسـر=وشي تبدل به في الدنيا وشـي مابـه بديـل

يحزنك كسر العود ذي مافيـه شـي نبـه وذر=يدكي عليه السقف والبنيان ذي فوقـه ثقيـل

لو كان عمره طال ماخلى على السكـه حجـر=بيقول ذه عثره وكل عثره من السكـه تميـل

تعبان لا مدر يجي غيره يكسـر فـي المـدر=ويخـرب الحسـاد مابيـن المعلـم والقبيـل

حتى العسل ذي من جبوح النوب وسط الحلق قر=من بعد بو خالد وكـلا يتفـل الدنيـا تفيـل

جبال في الأحقاف باتحزن مـع سـود النخـر=وكل وادي خصب باتحزن علوبـه والنخيـل

والتاليـه ياإبـن آدم عـد نفسـك فـي سفـر=حرب وقرب واستعد بالزاد من قبل الرحيـل

وادعو معي ياسامعين الصوت والدعـوه خيـر=عسى حلاله جنة الفردوس في ضلاً ضليـل