{{ بنات الخليج }}

{{ بنات الخليج }}

وياللي تريد الصدق والصدق شفاف
@@@@ عندي علوم{ن} كالنجوم المنيرة
وشلك تدور حاجتك عند عراف
@@@@ تجمع ذنوبه وانت عندك بصيرة
تعال خذ مني من الهرج قطاف
@@@@ واترك دلع حصة وكشخة سميرة
كلن على ليلاه له قلب رفاف
@@@@ والزين مثل اللول في كل ديرة
بعض الكلام اللي يسوقوه بجحاف
@@@@ منكور مني مثل فعله نكيرة
وبعض العرب قولة تطراف واسفاف
@@@@ رآية خطاء ينظر بنظرة قصيرة
الزين يسكن في المدن مثل الأرياف
@@@@ ويسكن في المغرب وشبه الجزيرة
الحسن في جدة شمل كل الأطياف
@@@@ رقة تناغمها رزانه مثيرة
الزين في صنعاء له اشكال واصناف
@@@@ اام الدلع وام لعيون الكبيرة
مافي مراكش شي في الزين ينعاف
@@@@ والحسن من كثره يشلك بحيرة
وان كان من بنت الرياض لجل الأنصاف
@@@@ لو قلت أميرة اشهد اني اميرة
وكلن على طبعه ومفهوم الأعراف
@@@@ اختار لك خيرة وللناس خيرة